الموسوعه7

موضوع: الموسوعه7 الأربعاء يوليو 22, 2009 12:35 am

لاباس يامحمد إلى احترت لاباس
لاباس وإن طاحت عواميد باسك
يضحك احجاجك والمخاليق عباس
ويموت كل الخلق ويعيش راسك
والله لو طيبك يسطر بقرطاس
كان انقضى حبره على طيب ساسك

تجاعيد الحزن بانت على وجه الزمن يافلان
وكوني اظلم بلحظة وخابت كل امالي
تهشم خافقي مرة بيد وحش يقول : انسان
ترجيته تمنيته عن احساسي يظل سالي

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي

بالله قلي.. بالبشر من يساويك؟
واحد.. وتسوالك ثمانين شله
قيصر زمانه مايحب الصعاليك
ولا يحب الي يحب المذله
مليك يامر باصبعه للمماليك
مليون فارس كلهم تحت ظله
واللي يحاول جد انه يأذيك
ماقول الا ياعسا الله يشله

كل شي فيها فيه نبرة جاذبيه
موهبه من فضل ربي واشهد ان الله وهبها
كلها لله بالله فاتنه هالآدميه
عاجبتني من بداية راسها لاسفل كعبها

الحب مايعرف قبيله ولا دين
نكس حكومات وكسر اشده
جوه عقال وراحو مجانين
كم واحد خاضه ولاهوب قده

يالله أنا سائلك انصرني في التصويب
نصرا عزيز الهدف غالي و أنا الضّراب
لاخطيت في الاوله.. في الثانيه باصيب
ما كل رامي رمى بأول رصاصه صاب

ابيه وما ابيه! ولايغيب بكل حزاتي
احبه واكرهه مدري! احبه والعن اوقاته
ليامن غاب عن عيني افكر فيه واحاتي
واذا عندي يضايقني كلامه واكره اسكاته
ماغيب الا لضروره.. واختصر بالحيل غيباتي
وهو لاغاب احسب بالثواني طول غيباته
مابي شوفه وابي قربه ولا ابغا اجيه او يأتي
واراقب كني الجاسوس روحاته وجياته

جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي
قال الوطن..!قلت الوطن مالقيته

أنت روحي وقد تملكت روحي
وحياتي وقد سلبت حياتي

ماعاد يرضيني وفى ولا يزعلني جفى
متساوي في خاطري ظلم العرب وانصافها
ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها
تعبت ادور فالقلوب البارده ليلة دفى
والقى استغلال النفوس وكذبها واجحافها
حتى اقرب العالم لو يوقف معك وقفت وفى
اصبر وتدري وش دوافع وقفته واهدافها

صوتك اللي بقالي من ليالينا
عاد لو غاب صوتك ويش يبقالي
صوتك الذكريات اللي اتدفينا
كل ماهل شفت العيد يبدالي
صوتك بعيد مثل البعد يطوينا
صوتك اغليه صوتك يابعد حالي
سولفي لعنبو همٍ يبكينا
انت اقصى مدى الهقوات والتالي

المشاعـر في غيابك
ذاب فيها كل صـوت
والليالي من عذابك
عذبت فيني السكوت
وصرت خايف لا تجيني
لحظه يذبل فيها قلبي
وكل أحلامي تموت

منت اول من يجي ومنت بآخر من يروح
ماحسبت حساب صدك ولا فكرت فيه
بان تقصيرك وشفتك معي منت بنصوح
والفراق المنتضر في عيونك تحتريه
رح معاد ابغاك لوك على الرده لحوح
مابقالي في حياتي معك شي ارتجيه

ولجلستنا دوماً بقية....