الموشوعه6

موضوع: الموشوعه6 الأربعاء يوليو 22, 2009 12:32 am

ماجا على بالي خطاك انت بالذات
لاتعتذر كافي يجي منك اكثر
مات الغرام اللي لك بداخلي مات
ماعاد ينفعك العذر لوتعذر
مقدر خلاص اتحمل اليوم غلطات
ما اكذب عليك انا بديت اتغير
بسكات اناجيتك واباروح بسكات
اببتعد.....واقول هذا مقدر

عيوني بسمه عيونك ولو صارت مطر ورعود
ابشرب من ظما دمعك وبغسل جرحي الدامي
عطيني عيونك الليله وباكر ياعساه صدود
امانه لامسحتي الكحل خلي طيف احلامي

استوعب الوضع واعرف قد مقدارك
بعض الخطايا منك تراني ما تحملها
ياحلو بسمتك لا من زانت اخبارك
ويا حلو عينك لو انك ما تكحلها
بعض السوالف بها لا تشغل افكارك
فرقاك لو قلتها ماني بصاملها

مد السوالف مدها خلك كذا شفاف
ترا غيابك في غيابك سل فيني سيوف
إلا على طاري الغياب وشفيك ماتنشاف؟
مدري تغلي أو جفأ ولا ذبحك الخوف!
ترا التغلي والجفأ لا صابتك تنعاف
حتى إتصالك لا حشا مايغني من الشوف

اصدق دموع اشوفها دمعة فراق
من الهدب للأ رض طاحت حزينه
قبل يتفارق بالهوى اثنين عشاق
في ساحة التوديع قبل السفينه
معاد تجمعهم مراسيل و اوراق
وكلن بلا خله يكمل سنينه
واحد رحل وبنظرته حر الاشواق
واحد وقف تصفق يساره يمينه

يا صاحبي على العطا من جبرني
اقدر على التطنيش و اخسرك واغيب
لاشك اصلي بالرجوله امرني
ما همني من ياخذ المدح ويجيب
بروح ون ضاق الزمن افتكرني
لا شان وجهك ولفحتك اللواهيب
بتقول هذا بالوجيه اختصرني
وجهٍ كفاني شر ناسٍ من العيب

تعبت أنزف جراحي حبر وأدور للألم أسباب
لجل أكتب شعر يحكي بعض أصغـر معاناتي
قفلت من الأسى بابي وسجنت الكون خلف الباب
وعصتني دمعةٍ فيهـا سؤال لكل اجاباتي
ملل أخبار حسّادي أحد صادق وأحد كذاب
وأحد ما طال تجريحي وأحـد عايش لزلاتي